काठमाडौं:  सिटिजन बैंकको हुम्लाको सदरमुकाम सिमकोटमा रहेको शाखा कार्यालय सिल गरिएको छ । बैंकमा कार्यरत पाँच कर्मचारीलाई एन्टिजेन विधिबाट कोरोना परीक्षण गर्दा दुई कर्मचारीमा कोरोना सङ्क्रमण देखिएपछि सिल गरिएको हो ।

शनिबार एक महिला र एक पुरुष कर्मचारीमा कोरोना सङ्क्रमण देखिएपछि आइतबारदेखि सिटिजन बैंक शाखा कार्यालय दुई दिनका लागि सिल गर्नुका साथै कारोबार ठप्प भएको बैंकले जानकारी दिएको छ ।

कोरोना सङ्क्रमण देखिएको पुरुष कर्मचारीमा अवस्था जटिल देखिएपछि हेलिकप्टरमार्फत जिल्लाबाहिर पठाउने तयारी भइरहेको जिल्ला अस्पताल हुम्लाले जनाएको छ ।

यो पनि पढ्नुहोस् :

धितोपत्र कारोबारका लागि डिम्याट खाता खोल्नेको संख्या साढे २४ लाख नाघ्यो