अखबार नेपाल ट्रेन्डिङ

एजेन्सीः टोटेनहम कारावाओ कप फुटबलको फाइनलमा प्रवेश गरको छ ।

गएराति भएको खेलमा टोटेनहमले ब्रेन्फोर्डलाई २–० गोल अन्तरले पराजित गरेको हो ।

घरेलु मैदानमा भएको खेलमा टोटनहमलाई जित दिलाउन मोउसा सिसोको र सनले एक–एक गोल गरे ।

खेलको १२औं मिनेटमा सिसोकोले गोल गर्दै टिमलाई अग्रता दिलाए ।

पहिलो हाफमा एक गोल गरेको टोटेनहमले दोस्रो हाफमा थप एक गोल गर्न सफल भएको थियो ।

खेलको ७० औं मिनेटमा सनले गोल गर्दै टिमलाई फाइनलमा पुर्याउन सफल भए ।

खेलको ८४ औं मिनेटमा ब्रेन्फोर्ड १० खेलाडीमा सिमित भएको थियो ।

डिसिल्भा रातो कार्ड खाँदै बाहिर गएका थिए ।

टोटेनहमले अब उपाधिका लागि म्याचेष्टर सिटी र युनाइटेडबीचको विजेतासँग खेल्नेछ ।