अखबार नेपाल ट्रेन्डिङ

काठमाडौ : नेकपाका अध्यक्ष एवम् प्रधानमन्त्री केपी शर्मा ओलीले केही मन्त्रीको जिम्मेवारी हेरफेरसहित मन्त्रीमण्डल पुर्नगठन गरेका छन् ।

त्यस्तै अहिले भएका एक मन्त्री र राज्यमन्त्रीलाई जिम्मेवारीबाट हटाएका छन् ।

यसरी जिम्मेवारीबाट हट्ने मन्त्रीमा युवा तथा खेलकुदमन्त्री जगत विश्वकर्मा र उद्योग राज्यमन्त्री मोती दुगड रहेका छन् ।

राज्यमन्त्री दुगडको कार्यशैलीका कारण प्रधानमन्त्री ओली अप्ठेरोमा पर्दै आएका थिए ।

आज भएको मन्त्रीपरिषद पुर्नगठनमा टोपवहादुर रायमाझी उर्जा मन्त्री भएका छन् भने मणी थापा खानेपी, प्रभु साह शहरी विकास र प्रेम आले वन मन्त्री भएका छन् ।

यसैगरी गणेश ठगुन्ना सामान्य प्रशासनमन्त्री र गौरी शंकर चौधरी श्रम मन्त्री र दावा लामा युवा तथा खेलकुद मन्त्री भएका छन् ।

त्यस्तै जुली कुमारी महतो महिला बालबालिका मन्त्री भएकी छन् भने विमला विश्वकर्मा उद्योग राज्यमन्त्री बनेकी छन् ।

यस्तै केही मन्त्रीको जिम्मेवारीमा हेरफेर भएको छ ।

यसरी हेरफेर हुनेमा स्वास्थ्यमन्त्री रहेका भानुभक्त ढकाल पर्यटन र संघीय मामिला मन्त्री रहेका हृदयेश त्रिपाठी स्वास्थ्यमा आएका छन् ।

त्यसैगरी यसअघि महिला बालबालिका मन्त्री रहेका लिलानाथ श्रेष्ठ कानुन र कानुमन्त्री शिवमाया तुम्बाहाङ्फेलाई भूमिसुधार मन्त्री को जिम्मेवारी दिईएको छ ।

त्यस्तै भूमिव्यवस्थामन्त्री पद्मा अर्याललाई कृषि मन्त्रालयको जिम्मेवारी दिईएको हो ।