अखबार नेपाल ट्रेन्डिङ

काठमाडौं: सैलुङ तेक्वान्दो डोजाङको आयोजनामा प्रथम सैलुङ भर्चुअल तेक्वान्दो राष्ट्रिय पुम्से प्रतियोगिता जनवरी ८ र ९ तारिखमा हुने भएको छ ।

प्रतियोगितामा करिब ३ सय खेलाडीको सहभागिता अपेक्षा गरिएको डोजाङ प्रमुख नोर्बु मोक्तानले जानकारी दिएका छन् ।

पुरुष महिलामा समान ७–७ गरी १४ स्पर्धामा प्रतिस्पर्धा हुने छ ।

पुरुष महिला दुवैमा १० वर्ष, १२ वर्ष, १५ वर्ष, १७ वर्ष, १८–३० वर्ष, ३१–४० वर्ष र ४१ वर्षमाथि उमेरसमूहमा खेल हुने छ ।

प्रतियोगितालाई सैलुङ नगरपालिकाले मुख्य प्रायोजन गर्ने प्रमुख मोक्तानले जानकारी दिए ।

सहभागिताका लागि इच्छुकले जनवरी ४ तारिखसम्म नाम दर्ता गराइसक्नु पर्ने छ ।

सहभागीले जनवरी ५ देखि ६ तारिखसम्म बढीमा १ मिनेट ३० सेकेन्डको भिडियो आयोजकलाई पठाउनु पर्ने छ ।

‘मोस्ट पपुलर खेलाडी’ लाई नगद १० हजार रुपैयाँबाट पुरस्कृत गरिने छ ।

यो विधा चयनका लागि सहभागीले पठाएको भिडियोलाई युट्युबमा राखिने छ ।

सर्वाधिक हेरिएको खेलाडीको भिडियोलाई उक्त विधाबाट पुरस्कृत गरिने छ ।

प्रतियोगिता सञ्चालन गर्न पाँच अन्तर्राष्ट्रिय निर्णायक चयन गरिएको छ ।

अन्तर्राष्ट्रिय निर्णायकहरुमा नोर्बु लामा, अशोक खड्का, हीराबहादुर थापा, मिन न्यौपाने र विक्रम खड्गी रहेका छन् ।

र यो पनि पढ्नुहोस्ः

डिस मिडिया अवार्डको मुख्य सहप्रायोजक
इएफएल कप : म्यानचेष्टर युनाइटेड र टोटनहम सेमिफाइनलमा
म्यानचेस्टर युनाइटेड कारबाओ कप फुटबलको सेमिफाइनलमा
ईटालियन सिरी ए फुटबलमा इन्टर मिलानको सहज जित
स्पेनिस लिगमा रियल मड्रिडको सहज जित