अखबार नेपाल ट्रेन्डिङ

काठमाडौं:  नेपाल बैंक लिमिटेडले आर्थिक वर्ष २०७६/७७ को नाफाबाट शेयरधनीलाई १६ प्रतिशत लाभांश वितरण गर्ने प्रस्ताव गरेको छ । पुस १ गते बसेको बैंक सञ्चालक समितिको बैठकले उक्त प्रस्ताव गरेको हो ।

बैंकले गत आर्थिक वर्षको नाफाबाट लगानीकर्तालाई चुक्ता पुँजीको १२ प्रतिशत बोनस र ४ प्रतिशत नगद (कर प्रयोजन) गरी कूल १६ प्रतिशत लाभांश प्रस्ताव गरेको हो । बैंकले आर्थिक वर्ष २०७५/७६ को नाफाबाट लगानीकर्तालाई चुक्ता पुँजीको १५ प्रतिशत बोनस र १० प्रतिशत नगद गरी कूल २५ प्रतिशत लाभांश दिएको थियो ।

हाल बैंकको चुक्तापूँजी ११ अर्ब २८ करोड २८ लाख २० हजार रुपैयाँ रहेको छ । सञ्चालक समितिले प्रस्ताव गरेको उक्त लाभांश नेपाल राष्ट्र बैंकको स्वीकृति पश्चात बैंकको आगामी साधारण सभाले पारित गरेपछि वितरण हुनेछ ।

यो पनि पढ्नुहोस् :

https://www.akhabarnepal.com/%e0%a4%ae%e0%a5%87%e0%a4%97%e0%a4%be-%e0%a4%ac%e0%a5%88%e0%a4%82%e0%a4%95%e0%a4%95%e0%a5%8b-%e0%a5%a7%e0%a5%a9-%e0%a4%a6%e0%a4%b6%e0%a4%ae%e0%a4%b2%e0%a4%b5-%e0%a4%b6%e0%a5%82%e0%a4%a8%e0%a5%8d/