अखबार नेपाल ट्रेन्डिङ

काठमाडौं: असोज २८ र २९ गते बस्ने भनिएको नेपाल क्रिकेट संघ (क्यान) को बार्षिक साधारण सभा स्थगित भएको छ ।

क्यानका अध्यक्ष चतुरबहादुर चन्द र महासचिव अशोकनाथ प्याकुरेललाई कोरोना संक्रमण भएको तथा पुर्णरुपमा निको नभईसकेका कारण साधारणसभा स्थगित भएको हो ।

नेपाल क्रिकेट संघ क्यानले सोमबार मात्र अध्यक्ष चन्द र महासचिव प्याकुरेललाई कोरोना संक्रमणका कारण अस्पताल भर्ना गरेको जानकारी गराएको थियो ।

शिर्ष पधाधिकारीहरु नै कोरोना संक्रमित भएको र भर्चुअल बैठक समेत गर्न कठिन हुने भन्दै क्यानले बार्षिक साधारण सभा स्थगित गरेको हो ।

गत असोज ६ गते चितवनमा बसेको क्यानको कार्यसमितिको बैठकबाट असोजको २८ र २९ गते बार्षिक साधारण सभा गर्ने निर्णय भएको थियो ।