अखबार नेपाल ट्रेन्डिङ

रामेछाप: रामेछापको दोरम्बा गाउँपालिका वडा नं ४ सानो शैलुङ्गमा गए राति भएको ट्याक्टर दुर्घटनामा २ जनाको मृत्यु भएको छ ।

मृत्यु हुनेहरुमा दोरम्बा-७ का पेम्वा लामा र र्फुवा लामा भएको जिल्ला प्रहरी कार्यालय रामेछापका प्रमुख बसन्त पाठकले बताउनु भयो । राति डोजरका लागि भनेर तेल लिएर आउँदै गरेको ट्याक्टर भिरबाट खसेको दोरम्बा गाउँपालिका अध्यक्ष कमान सिंह मोक्तानले जानकारी दिनु भयो । मृतकहरुको शव भिरमा अड्किएकोले भिरबाट निकाल्न समस्या भएको अध्यक्ष मोक्तानले बताउनु भयो  ।

ना ७ च ८७३ नंम्बरको उक्त ट्याक्टरमा ३ जना सवार थिए । तिनजना मध्ये १जना हामफालेर बाच्न सफल भएका छन् । दुर्घटना स्थलमा राति नै प्रहरी पुगेको थियो ।