अखबार नेपाल ट्रेन्डिङ

काठमाडौं : रौटहटमा पहिलो संविधानसभाको चुनावअघि दर्जनौ व्यक्तिलाई ईटाभट्टामा जलाएको आरोपमा पक्राउ परेको नेपाली कांग्रेस नेता अफताव आलम यतिखेर जेलमा हावा खाईरहेका छन् ।

त्यही घटनामा आलमलाई साथ दिने अर्का व्यक्तिलाई नेपाल प्रहरीले पक्राउ गरेको छ । शुक्रबार साँझ बारा सिम्रौनगढ नगरपालिका- ४ का ५५ वर्षीय बद्री सहनीलाई प्रहरीले पक्राउ गरेको हो।

प्रारम्भिक अनुसन्धानको क्रममा जिउदै मान्छेलाई ईटाभट्टामा हालेर जलाएको स्वीकारेको प्रहरीले जनाएको छ । घटनाका बेला सहनी हेड मिस्त्री रहेका थिए ।

प्रदेश नम्बर २ कार्यालयबाट खटिएको प्रहरी टोलीले रौतहट बौधीमाई नगरपालिका-७ स्थित नेपालभारत सीमाको बड्की बंकुल क्षेत्रबाट पक्राउ गरेको प्रहरी नायब महानिरीक्षक धीरजप्रताप सिंहले पुष्टि गरेको छन् ।

अफताव आलम र महताब आलमको निर्देशनमा २०६४ सालमा त्रिलोकप्रताप राजपुतसमेतलाई इँटाभट्टामा जिउँदै जलाइएको थियो।

पहिलो संविधानसभा निर्वाचनको चुनावलाई लक्षित गरी २०६४ साल चैत २७ गते रौतहट साबिक फरदहवा गाविस ४ का शेख इद्रिसको गोठमा बम विस्फोट गराइएको थियो।

सो विस्फोटमा तीन जनाको मृत्यु र करिब १६ जना घाइते भएका थिए। त्यसेबला घाइतेहरुलाई नजिकै रहेको ईटाभट्टामा लगेर जलाएका थिए ।

त्यो बेला प्रमाण नष्ट गर्नको लागि घाइतो सबैलाई ईटाभट्टामा हालेर जलाएपनि पछि त्यो घटना बाहिर आएपछि मुख्य अभियुक्त आलमलाई केही समयअघि प्रहरीले पक्राउ गरि थुनामा राखेको छ ।

उनी घटनाको १२ वर्षपछाडी पक्राउ परेका थिए ।