अखबार नेपाल ट्रेन्डिङ

काठमाडौं : नेपाल कम्युनिष्ट पार्टी(नेकपा)का अध्यक्ष एवम् प्रधानमन्त्री केपी शर्मा ओलीले आफ्नो मन्त्रीपरिषदमा रहेको केही मन्त्रीसँट रुष्ट मात्र होईन आउट गर्न चाहेका छन् ।

मन्त्रीहरुको कार्यशैलीका कारण प्रधानमन्त्री रुष्ट मात्र रिजेक्ट नै गर्न चाहेका हुन । केही समयअघि नेपाल विद्युत प्राधिकरणका प्रमुख कार्यकारी निर्देशक कुलमान घिसिङको म्याद थपको फाइल मन्त्रीपरिषदको बैठकमा नल्याएको र म्याद सकिएपछि जनविरोध आउदा प्रधानमन्त्रीलाई देषी देखाएपछि जलस्रोत तथा उर्जामन्त्री वर्षमान पुन अनन्तसँग उनी सबैभन्दा बढी रिसाएका छन् ।

वर्षमानलाई प्रधनमन्त्री ओलीले वैठकमै हप्काएका थिए । आफ्नो सचिवालयको मिस्टेकका कारण घिसिङलाई म्याद थपको फाइल मन्त्रीपरिषदमा लैजान नसकेपनि उनले त्यसबेला प्रधानमन्त्री ओलीमाथि दोष थुपार्दै पन्छिन खोजेका थिए ।

त्यो कुरा थाहा पाएपछि प्रधानमन्त्री ओलीले हप्काउदा माफ पाऊ हजुर भन्न पुगेका थिए वर्षमान ।
यस्तै कृषिमन्त्री घनश्याम भुषालसँग पनि प्रधानमन्त्री ओली रुष्ट भएका छन् । भुषालले कृषकलाई चाहिने मल समयमै ल्याउन नसकेका कारण उनको कार्यक्षमतामाथि नै प्रश्न उठाउदै उनीमाथि खनिन पुगेका हुन ।

समाजवादको राम्रो व्याख्याता मासिनएको भुषाल सैद्धान्तिक कुरामा मात्र पोख्त रहेछन् उनी व्यवहारमा साह्रै कच्चा भएको प्रधानमन्त्री ओलीको निष्कर्ष छ ।

त्यसैगरी शिक्षामन्त्री गिरीराजमणी पोखरेलसँग पनि प्रधानमन्त्री ओली रुष्ट भएका छन् । उनले केही समयअघि नेपालको लिम्पियाधुरा, लिपुलेक लगायत क्षेत्रलाई समेटेर बनाएको नक्सा सहितको पुस्तक विवादमा आएका कारण रुष्ट भएका हुन । उक्त पुस्तक विवादास्पद देखिएपछि प्रधानमन्त्रीले एकाएक उक्त पुस्तकको वितरणमा रोक समेत लगाएका छन् । नक्सा बनाउदा वास्तविकतामा आधारित भएर नबनाएको नेपालको कूल क्षेत्रफल नराखेको भन्दै उक्त पुस्तक विावादमा आएको थियो ।

प्रधानमन्त्री ओलीले नयाँ मन्त्रीमण्डल पुर्नगठनका बेला यी मन्त्रीलाई साइड लगाई नयाँ मन्त्री ल्याउनेगरी गृहकार्य गरेको हो कि भन्ने अड्कल पनि गर्न थालिएको छ ।

मन्त्री छान्नकै लागि आज बस्ने भनिएको सचिवालय बैठक स्थगित हुन पुगेको छ । यसरी सचिवालय बैठक नै स्थगित हुनुलाई पनि अहिले निकै महत्वका साथ हेरिएको छ ।