अखबार नेपाल ट्रेन्डिङ

प्रिटोरिया: दक्षिण अफ्रिकालाई आधिकारिक रुपमा दक्षिण अफ्रिका गणतन्त्र भनिन्छ । यो अफ्रिका महादेशको दक्षिणी भागमा अवस्थित एउटा देश हो । यो देश पनि कोरोना भाइरस् (COVID-19) को मारमा परेको छ । यहाँको आर्थिकलाई अझ गहिरिएर अध्ययन गर्ने हो भने गत वर्षको कुल उत्पादनको तुलनामा ५० % प्रतिशतभन्दा बढीले खुम्चिएको छ । यस सम्बन्धि अध्ययन गर्ने सरकारी विभागले मंगलबार सार्वजनिक रुपमा जारी गरेको तथ्यांकमा उल्लेख गरिएको छ । यो देशको अर्थव्यवस्था सन् २०१९ को दोस्रो त्रैमासिकको तुलनामा सन् २०२० को सोही अवधिमा ५१ % प्रतिशतले खुम्चिएको त्यस सम्बन्धि अध्ययन गर्ने विभागले बताएको छ ।
यो देशमा पनि यसरी अर्थतन्त्रमा यति धेरै ह्रास आउनको मूख्य कारण कोरोना भाइरस (COVID-19) माहामारीका कारण देशमा गरिएको बन्दाबन्दी नै रहेको सरकारी अधिकारीहरुले सार्वजनिक रुपमा घोषणा गरेका छन् । यो राष्ट्रले माहामारीबाट आफ्ना जनतालाई सुरक्षित राख्नको लागि मार्च २७ देखि देशैभरि कडैका साथ बन्दाबन्दी गरेको छ । जसको कारण देशैभरि आर्थिक गतिविधि प्रायः ठप्प भएको जानकारी प्राप्त भएको छ ।

रासस एएफपी