अखबार नेपाल ट्रेन्डिङ

काठमाडौं: नेपाल आइडल सिजन-३ ले आज एक नयाँ आइडल पाउने भएको छ ।

नेपाल आइडल सिजन-३ मा सज्जा चौलागाई, प्रवीण बेडुवाल र किरणकुमार भुजेलबीच कडा प्रतिस्पर्धा हुँदैछ ।

जो हजारौँबाट छानिएर उत्कृष्ट तीनमा पर्न सफल भएका हुन् ।

नेपाल आइडल सिजन-३ का लागि आइडलले आज बेलुका ५ बजेसम्म आफ्नो मनपर्ने प्रतिस्पर्धीलाई विजेता बनाउन भोटिङ गर्ने समय निर्धारण गरेको छ ।

एपीवान एचडी टेलिभिजनबाट हरेक हप्ता बिहीबार र शुक्रबार प्रशारण हुने नेपाल आइडल नेपाली सांगीतिक इतिहासकै उत्कृष्ट टेलिभिजन कार्यक्रम हो ।

गत भदौबाट अडिसन सुरु भएको ‘नेपाल आइडल सिजन-३’ ले गत चैत्र महिनाभित्र मै आफ्नो नयाँ आइडल पाइसक्नु पर्ने थियो ।

नेपाल आइडलका माध्यमबाट नै नेपालमा पहिलो पटक अन्तर्राष्ट्रिय स्तरको फेन्चाइज संगीतिक रियालीटी शोको सुरुवात गरिएको हो ।

सुरुवातको छोटो समयमा नै दर्शकको मन जित्न सफल नेपाल आइडल सिजन-३ को फाइनलसम्म आइपुग्दा धेरै प्रतिभालाई अगाडि बढ्ने ठाउँ दिइसकेको छ ।

अहिले नेपाली सांगीतिक आकाशमा चर्चा कमाइरहेका रवि ओड, निशान भट्टराई, बुद्ध लामा, प्रताप दाश, विक्रम बराललगायतका गायक नेपाल आइडलकै उत्पादन हुन् ।

आज नेपाल आइडल सिजन-३ मा प्रविन बेडुवाल, सज्जा चौलागाई र किरणकुमार भुजेल सहभागी छन् ।

यिनै उत्कृष्ट तीनबाट एकले ५० लाख रुपैयाँसंगै नेपाल आइडल सिजन-३ को विजेता घोषित हुनेछन् ।

फस्ट रनरअपले १५ लाख नगद र सेकेन्ड रनरअपले ५ लाख नगद प्राप्त गर्नेछन् ।

निर्णायक मण्डलमा इन्दिरा जोशी, न्यु बज्राचार्य र कालीप्रसाद बास्कोटा छन् ।

कार्यक्रममा सुरेश पौडेल, एलन श्रेष्ठ र लोकेश बज्राचार्य कार्यक्रम निर्देशकीय भूमिका निर्वाह गरिरहेका छन् ।

कोरोना महामारीको प्रकोपका कारण यस पटकको नेपाल आइडलको फाइनल आज आफ्नै स्टुडियोबाट प्रत्यक्ष प्रशारण गरी विजेता घोषणा गर्नेछ ।