अखबार नेपाल ट्रेन्डिङ

काठमाडौं: मोरङ र सुनसरीमा थप दुई जना कोरोना संक्रमितको मृत्यु भएको छ ।

मोरङको विराटनगर महानगरपालिका–८ का ६५ वर्षीय पुरुषको कोशी अस्पताल कोभिड–१९ उपचार केन्द्रमा आइतबार राति ९ बजेतिर मृत्यु भएको छ ।

मृतक अवकाश प्राप्त शिक्षक हुन् । परिवारकै एक जनामा कोरोना संक्रमण पुष्टि भएपछि कन्ट्याक्ट ट्रेसिङपछि उनको स्वाब परीक्षण गर्दा कोरोना पोजेटिभ देखिएको थियो ।

यस्तै सुनसरीको धरानमा पनि एक जना संक्रमितको मृत्यु भएको छ ।

बीपी कोइराला स्वास्थ्य विज्ञान प्रतिष्ठान धरानमा प्लाज्मा थेरापी गरिएका धरान ८ का ६८ वर्षीय पुरूषको आइतबार साँझ ६:३५ बजे मृत्यु भएको हो ।

यसअघि शनिबार पनि धरान–१५ का ६७ वर्षीय पुरुषको प्याज्मा थेरापी गरिएको भोलिपल्ट मृत्यु भएको थियो ।

चितवनमा थप २० जनामा कोरोना संक्रमण

यसैबीच चितवनमा थप २० जनामा कोरोना भाइरसको संक्रमण भेटिएको छ ।

भरतपुर–१० स्थित चितवन मेडिकल कलेजको कोभिड ल्याबमा आइतबार राति गरिएको परीक्षणमा चितवनका १४ जनासहित २० जनामा संक्रमण पुष्टि भएको हो ।

संक्रमित‌ मध्ये भरतपुर–१ का ७४ वर्षीया महिला र २३ वर्षीया पुरुष, भरतपुर–२ का ३१ वर्षीय पुरुष, भरतपुर–३ का ३१ वर्षीय पुरुष, भरतपुर–५ का २२ र ३३ वर्षीया दुई महिला छन् ।

यस्तै भरतपुर–९ का ४३ वर्षीया पुरुष, भरतपुर–१० की २३ वर्षीया महिला, भरतपुर–११ का ३५ र ५२ वर्षीय दुई पुरुष, भरतपुर–१५ का २० वर्षीय पुरुष, भरतपुर–१६ का २० वर्षीया महिला, भरतपुर–२८ का ६२ वर्षीय पुरुष र खैरहनी–१२ की ३० वर्षीया महिला रहेका छन् ।

मकवानपुरको हेटौंडा–४ की ४९ वर्षीया महिला, नवलपरासी पूर्व गैंडाकोट–२ का ३८ वर्षीया महिला, ४२ वर्षीष पुरुष र कावासोती–१४ का २२ वर्षीया महिला गरी तीन जना, बारा कलैया–४ का ६५ वर्षीय पुरुष र गोरखा–१ का ६० वर्षीय पुरुषमा संक्रमण पुष्टि भएको छ ।

चितवन मेडिकल कलेजमा कुल १२० जनाको स्वाब परीक्षण गरिएकोमा २० जनमा संक्रमण पुष्टि भएको जनाइएको छ ।