अखबार नेपाल ट्रेन्डिङ

एजेन्सी: जर्मन क्लब वायर्न म्युनिखले युईएफए च्याम्पियन्स लिग फुटबलको उपाधि जितेको छ ।

फ्रान्सको लिग वान च्याम्पियन पेरिस सेन्ट जर्मेन (पीएसजी) लाई १–० ले पराजित गर्दै वायर्नले छैटौँ पटक च्याम्पियन्स लिग फुटबलको उपाधि जितेको हो ।

पहिलो हाफमा भने दुबै टोलीले गोलको अवसर खेर फालेका थिए । खेलको छैटौं मिनेटमा वायर्नले सुन्दर गोलको अवसर खेर फालेको थियो । यस्तै १० औँ मिनेटमा पीएसजीले पनि गोलको अवसर गुमाएको थियो ।

खेलको १८ औं मिनेटमा एमबाप्पेको पासमा नेयमारको प्रहार बायर्नका गोलरक्षक नुअरले उत्कृष्ट बचाउ गरे । एमबाप्पेको पासमा नेयमारको पहिलो प्रहारलाई खुट्टाले रोकेका नुअरले फेरि नेयमारले दिएको कटब्याकलाई पनि बिफल बनाएका थिए ।

खेलको २२ औं मिनेटमा अग्रता बनाउन चुक्यो । रोबर्टो लेवान्डोस्कीले पेनाल्टी क्षेत्र भित्रबाट प्रहार गरेको बल पोस्टमा लाग्दै फर्किएको थियो । त्यसको एक मिनेटपछि एन्जल डी मारियाले काउन्टर मुभमा गोल गर्न सकेनन् । पेनाल्टी क्षेत्र भित्रबाटको डी मारियाको प्रहार आकासिएको थियो ।

यस्तै ३१ औं मिनेटमा लेवान्डोस्कीको उत्कृष्ट हेड प्रहार पीएसजीका गोलरक्षक केलर नाभासले उत्कृष्ट बचाउ गरेका थिए ।

यससँगै बायर्नले छैटौं पटक पटक च्याम्पियन्स लिगको उपाधि जित्न सफल भएको छ ।

यस अघि बायर्नले १९७४, १९७५, १९७६,२००१ र २००१३ मा उपाधि जितेको थियो ।

यता, पीएसजी भने पहिलो पटक फाइनल पुगेर पनि च्याम्पियन्स लिगको उपाधि जित्न असफल भएको छ ।

सेमिफाइनलमा बायर्नले लियोनलाई हराएको थियो भने पीएसजीले आरबी लाइपजिगलाई हराएको थियो ।