अखबार नेपाल ट्रेन्डिङ

खाँदबारी: संखुवासभा सदरमुकाम खाँदबारीस्थित आईसोलेसनको स्वास्थ्य सामग्री चोरी भएको छ ।

खाँदबारी–७, हिमालय किरण क्याम्पसमा आईसोलेसन प्रयोगकालागि राखिएका सामग्री राखिएको ठाउँ तोडफोडगरि चोरी भएको अस्पताल प्रशासनले जनाएको छ।

आईसोलेसनका अक्सिजन मेसिन, सक्सन मेसिन, ७० थान पीई सेट, प्यासेन्ट मनिटर, अक्सिजन डिभाईडर लगायतका करिब १५ लाख बराबरको सामाग्री चोरी भएको अस्पताल प्रशासनले जनाएको छ ।

सामाग्री चोरी भएसंगै नयाँ स्वास्थ्य सामाग्रीको ब्यवस्था गरेर उक्त आईसोलेसनमा ३ जना कोरोना संक्रमितलाई राखिएको छ ।

त्यस्तै चोरी र तोडफाडमा संलग्नको खोजी कार्य जारिरहरेको जिल्ला प्रहरी कार्यालयले जनाएको छ।