अखबार नेपाल ट्रेन्डिङ

रामेछाप: रामेछाप जिल्लामा कोरोना संक्रमणको जोखिम बढेको भन्दै जिल्ला प्रशासन कार्यालयले आज राति १२ बजेदेखी लागु हुने गरी निषेधाज्ञा जारी गरेको छ ।

अत्यावश्यकिय बाहेक सवै सेवा बन्द गर्न अनुरोध  गर्दै  कार्यालयले आजबाट भदौ १३ गते सम्मका लागि निषेधाज्ञा जारी गरेको हो । निषेधाज्ञाका समयमा मानिसहरुलाइ अनावश्यक रुपमा हिडडुल गर्न समेत निषेध गरिएको रामेछापका प्रमुख जिल्ला अधिकारी रुद्रादेवी शर्माले बताउनु भयो ।

औषधि, खाद्यान्न तथा अत्यावश्यकिय सेवा खरिद बाहेक अन्य सवैलाई रोक लगाइएको जिल्ला प्रशासन कार्यालयद्धारा जारी सूचनामा जनाइएको छ ।

निषेधाज्ञाका समयमा जिल्ला प्रवेशका नाकामा कडाइ गरिनुका साथै पैदल यात्रीहरुलाई पनि साँझ ७ बजेदेखी विहान ५ बजेसम्म हिड्नका लागि प्रतिबन्ध लगाइएको छ । रामेछाप जिल्लामा हाल सम्म फेला परेका ३३ जना कोरोना संक्रमित मध्ये २७ जना निको भएर घर फर्किएका छन् भने ६ जना उपचाररत छन् ।