अखबार नेपाल ट्रेन्डिङ

काठमाडौं: पछिल्लो २४ घन्टामा नेपालमा थप ७ सय ७ जनामा कोरोना भाइरसको संक्रमण देखिएको छ।

२४ घन्टामा देशका विभिन्न प्रयोगशालामा गरिएको परीक्षणका क्रममा थप ७ सय ७ जनामा कोरोना भाइरसको संक्रमण पोजेटिभ देखिएको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घन्टामा थप ७ सय ७ जना सहित नेपालमा कोरोना संक्रमित हुनेको संख्या २९ हजार ६ सय ४५ जना पुगेको मन्त्रालयले जनाएको छ ।

काठमाडौं उपतयकामा आज २ सय जनामा कोरोना भाइरसको संक्रमण देखिएको छ। काठमाडौंमा १ सय ७४, भक्तपुरमा ८ र ललितपुरमा १८ जनामा कोरोना संक्रमण देखिएको छ ।

पछिल्लो २४ घण्टामा थप २ सय ६४ सहित नेपालमा हालसम्म १७ हजार ९ सय ६४ जना उपचारपछि निको भएका छन्।

पछिल्लो २४ घन्टामा थप ६ जना सहित नेपालमा हालसम्म १ सय २६ जना कोरोना संक्रमितको मृत्यु भएको मन्त्रालयले जनाएको छ ।