अखबार नेपाल ट्रेन्डिङ

सिन्धुपाल्चोकः सिन्धुपाल्चोकको जुगल गाउँपालिका-२ लिदिमा गएराती परेको भीषण बर्षाका कारण पहिरो गएको छ ।

पहिरोले २१ घर पुरिएको छ । पहिरोमा परि १५ घाइतेलाई स्थानीयले उद्दार गरेका छ्न । गाउँकोबीच भागबाट पहिरो खसेकोले सो गाउँमा के कति घर पुरिएका छन भन्ने अझै एकिन हुन नसको स्थानीयले बताएका छन् । पहिरोले ठूलो जनधनको क्षति पुगेको स्थानीयले बताएका छन् ।

अहिले त्यस क्षेत्रमा हुस्सु र कुहिरोको कारण हेलिकप्टर समेत जान नसक्ने अवस्था रहेको छ । काठमाडौंबाट उद्दारका लागि हेलिकोप्टर जाने तयारी भइरहेको बुझिएको छ । घटना स्थलसम्म पुग्नका लागि पैदल यात्रा गरेर जाँदा करिव ८ घन्टा लाग्ने बताईएको छ ।

पहिरोमा के कति क्षति भएको हो र घटनाको विवरण आउन भने बाँकी रहेको जिल्ला प्रहरी कार्यालयका डिएसपी माधब प्रसाद काफ्लेले जानकारी दिएका छन् ।