अखबार नेपाल ट्रेन्डिङ

काठमाडौं: बिश्वव्यापी महामारीको रुपमा फैलिएको कोभिड- १९ कोरोना भाइरसको संक्रमण नेपालमा बढेसंगै बन्द रहेको पशुपति नाथ मन्दिर साउन दोस्रो हप्ताबाट खुल्ने भएको छ ।

साउन महिनाको सोमबार महादेवको दर्शन गर्ने परम्परा रहिआएकोले विगतका वर्षहरुमा जस्तै यस वर्षपनि देशका विभिन्न शिव मन्दिरहरुमा दर्शनार्थीहरुको अत्यन्त भिड लाग्ने गरेको छ ।

यसवर्ष कोरोना महामारीका कारण मन्दिरहरु बन्द रहेकाले धर्मावलम्बीहरुमा निरासा छाएको छ । उक्त निरासालाई मध्यनजर गर्दै पशुपति क्षेत्र विकास कोषले साउनको दोस्रो सोमबार अर्थात १२ गतेबाट सामाजिक दुरी कायम गर्दै दर्शन खुला गर्न सक्ने जनाएको छ ।