अखबार नेपाल ट्रेन्डिङ

काठमाडौं: विश्वभर कोरोना भाइरस संक्रमणबाट १ करोड ४६ लाख ४१ हजार ८ सय १९ जना संक्रमित भएका छन् ।

ती मध्ये ८७ लाख ३५ हजार १ सय ५८ जना उपचारपछि निको भएका छन् भने ६ लाख ८ हजार ९ सय २ जनाको मृत्यु भएको छ ।

अमेरिकामा पछिल्लो २४ घण्टामा ४४ हजार ३ सय ६८ जना संक्रमित थपिएका छन् भने भारतमा ४० हजार २ सय ४३ जना संक्रमित थपिएका छन् ।

यसअघि ५ जुलाईमा २४ घण्टामा २ लाख १२ हजार ३ सय २६ संक्रमित थपिएका थिए । ती मध्ये सबैभन्दा धेरै अमेरिकाका थिए । डब्ल्यूएचओका अनुसार अमेरिका बाहेक ब्राजील, भारत र दक्षिण अफ्रिकामा कोरोना संक्रमित तीव्र गतिमा बढिरेहेको छ । ब्राजीलमा अस्पतालको अभाव हुन थालेको छ ।