अखबार नेपाल ट्रेन्डिङ

काठमाडौं: राष्ट्रपति विद्यादेवी भण्डारी र प्रधानमन्त्री केपी शर्मा ओलीले अध्यक्ष पुष्पकमल दाहाललाई तत्काल कुनै अध्यादेश नआउने बताएका छन् ।

बिहीबार बिहान प्रधानमन्त्री ओली र दाहालबीच मन्त्रिपरिषद बैठक र संसद अधिवेशन अन्त्य नगर्ने समझदारी भएतापनि प्रधानमन्त्री ओली समझदारी विपरीत अघि बढ्दै संसद अधिवेशन अन्त्य गरेपछि राजनीतिक दल विभाजन सम्बन्धी अध्यादेश ल्याउन लागेको आशंका गरिएको थियो ।

उक्त आशंका सहित नेकपा अध्यक्ष दाहाल जारी स्थायी कमिटी बैठक रोकेर छलफल गर्न शितल निवास पुगेर राष्ट्रपतिसँग छलफल गरेको र प्रधानमन्त्रीसँग भएको छलफलमा दुबैले अध्यादेश नआउने बताएको उदृद गर्दै नेकपा प्रवक्ता नारायणकाजीले बताए ।