अखबार नेपाल ट्रेन्डिङ

काठमाडौं: पछिल्लो २४ घण्टामा देश भरका विभिन्न प्रयोगशालामा गरिएको पिसिआर परीक्षणमा ११७ महिला र ३ सय ६५ पुरुष गरी जम्मा ४ सय ८२ जना संक्रमित थपिएको स्वास्थ्य तथा जनसंख्या मन्त्रालयले जनाएको छ ।

त्यस्तै कोरोना जित्नेको संख्या चार हजार ६ सय ५६, कोरोनाका कारण मृत्यु हुनेको संख्या ३०, अहिलेसम्म क्वारेन्टाइनमा ४८ हजार तीन सय ६२ जना छन् भने आइसोलेसनमा ९ हजार तीन सय ६० जनाको उपचार भइराखेको र प्रदेश १ मा ६ सय २३, प्रदेश २ मा ३ हजार ८ सय ५६, बागमती प्रदेशमा ४ सय ५८, गण्डकी प्रदेशमा १ हजार ५८, प्रदेश ५ मा ३ हजार ८ सय ४३, कर्णाली प्रदेशमा १ हजार ५ सय ८ र सुदूरपश्चिम प्रदेशमा २ हजार ७ सय जनामा कोरोना संक्रमण पुष्टि भएसँगै देशभर कुल संक्रमित संख्या १४ हजार ४६ पुगेको मन्त्रालयले जनाएको छ ।