अखबार नेपाल ट्रेन्डिङ

धुलिखेल : धुलिखेल नगरपालिका-२ रबिओपीमा दिउँसो सामान बोकेर जाँदै गरेको टिप्परले ठक्कर दिँदा दुई जनाको घटनास्थलमै मृत्यु भएको छ । बनेपाबाट रबिओपि जाँदै गरेको बा ४ ख ६३८६ नम्बरको टिप्परले अगाडि गुडिरहेको बा ३६ प ५०५२ नम्बरको मोटरसाइकललाई ठक्कर दिंदा मोटरसाइकलमा सवार बेदप्रसाद कोइराला र गोवर्द्धन कोइरालाको मृत्यु भएको र शव बनेपा स्थित शिर मेमोरियल अस्पतालमा राखिएको जिल्ला प्रहरी कार्यलय काभ्रेले जनाएको छ ।

घटनास्थलमा स्थानीयको अवरोधपछि उक्त स्थानमा कुनै पनि सावरी चलेका छैनन् । लकडाउनको समयमा नेपाल सरकारले दिउँसो टिप्पर चल्न नदिए पनि उक्त टिप्पर प्रहरीलाई छलेर गुडेको र  घटना भएलगत्तै टिप्पर चाकल फरार रहेको र उनको खोजी कार्य भइरहेको प्रहरीले जनाएको छ ।