अखबार नेपाल ट्रेन्डिङ

एजेन्सीः ईङ्गलिश प्रिमियर लिग अन्तर्गत शनिबार राति भएको खेलमा वुल्भ्सले वेस्ट ह्यामलाई २–० गोल अन्तरले पराजित गरेको छ । जितसँगै वुल्भ्सले आगामी च्याम्पियन्सलिगमा पुग्ने आशालाई बलियो बनाएको छ ।

वेस्ट ह्यामको घरेलु मैदान लण्डन स्टेडियममा भएको पहिलो खेलको हाफमा गोलरहित बराबरी टुंगिएको थियो । निकै नै प्रतिस्पर्धात्मक बनेको खेलको ७३औं मिनटमा वुल्भ्सका लागि पहिलो गोल एडामा ट्राओरेको पासमा जिमिनेजले गरेका थिए । यसपछि ट्राओरेकै पासमा पेड्रो नेटोले वुल्भ्सका लागि दोश्रो गोल गरे । यससँगै वुल्भ्सले खेल आफ्नो पक्षमा पार्या । जितसँगै ३० खेलबाट ३६ अंक जोड्दै वुल्भ्स छैठौ स्थानमा उक्लियो भने वेस्टह्याम रेलिगेशन जोनको खतरामा पुगेको छ ।

शनिबार राति नै भएको अर्को खेलमा क्रिष्टल प्यालेसले बोर्नेमाउथमाथि २–० को जित निकाल्यो । जितसँगै दुई स्थान सुधार गर्दै क्रिष्टल ९औं स्थानमा उक्लिएको छ भने रेलिगेशन जोनमा यथावत नै छ । क्रिष्टलको ३० खेलमा ४२ अंक छ भने बोर्नेमाउथको समान खेलमा २७ अंक छ ।

यसैबीच शनिबार राती नै भएको इंग्लिस प्रिमियर लिग फुटबलमा लेष्टर सिटी वाट्फोर्डसँग १-१ गोलको बराबरीमा रोकिएको छ । वाट्फोर्डको मैदानमा भएको रोमान्चक खेलमा सुरुवाती एक गोलको अग्रता जोगाउन नसक्दा लेष्टरले बराबरी खेलेको हो ।

पहिलो हाफ गोलरहित बराबरीमा सकिएको खेलको ९०औं मिनेटमा बेन चिलवेलले गोल गर्दै लेष्टरलाई अग्रता दिलाएका थिए । तर, खेलको इन्जुरी समयमा क्रेग डसनले गोल गर्दै वाट्फोर्डलाई हारबाट जोगाए । वाट्फोर्डसँगको बराबरीसँगै तेस्रो स्थानको लेष्टरले ३० खेलमा ५४ अंक जोडेको छ ।

लेष्टर शीर्ष स्थानको लिभरपुल भन्दा २६ र दोस्रो स्थानको म्यानचेस्टर सिटी भन्दा ६ अंकले पछि रहेको छ । बराबरीसँगै वाट्फोर्ड रेलिगेसन क्षेत्रबाट माथि उक्लिएको छ । १६ औं स्थानमा रहेको वाट्फोर्डको २८ अंक रहेको छ ।