अखबार नेपाल ट्रेन्डिङ

एजेन्सीः कोरोना भाइरसको महामारीबाट विश्वभर मृत्यु हुनेको संख्या ३ लाख ४६ हजार ७ सय १९ पुगेको छ भने ५५ लाखभन्दा बढी मानिस संक्रमित भएका छन् । विश्वका २ सय १३ मुलुक र २ वटा पानीजहाजमा फैलिएको कोरोना भाइरसबाट संक्रमितमध्ये २३ लाख २ हजार ५७ जना संक्रमण मुक्त भएका छन् ।

कोरोना भाइरस संक्रमणबाट युरोपियन मुलुकहरुमा १ लाख ६९ हजार ८ सय ४४ जनाको मृत्यु भएको छ । १९ लाख १ हजार ७ सय ४९ जना संक्रमित भएकोमा ८ लाख ८२ हजार ६ सय ७ जना संक्रमणमुक्त भएका छन् ।

यस्तै एसियाली मुलुकहरुमा २७ हजार ४ सय ५५ जनाको मृत्यु भएको छ । ९ लाख ६० हजार ४ सय १८ जना संक्रमित भएकोमा ५ लाख ५९ हजार ५ सय ८५ जना संक्रमणमुक्त भएका छन् । अफ्रिकी मुलुकहरुमा ३ हजार ३ सय ५६ जनाको ज्यान गएको छ भने १ लाख १३ हजार ६ सय ५६ जना संक्रमित छन् । संक्रमितमध्ये ४६ हजार २६९ जना संक्रमणमुक्त भएका छन् ।

त्यस्तै अष्ट्रेलियासहित ओसिनियाका मुलुकहरुमा १ सय २३ जनाको मृत्यु भएको छ । ८ हजार ७ सय २२ जना संक्रमित भएकोमा ८ हजार ६५ जना संक्रमणमुक्त भएका छन् ।