अखबार नेपाल ट्रेन्डिङ

काठमाडौं: बाँकेमा थप ४७ जनामा कोरोना भाइरस संक्रमण पुष्टि भएको छ । बाँकेसँगै मोरङ, गुल्मी, रौतहट, दाङमा थपिएका संक्रमितसँगै आज थप ५३ जनामा कोरोना भाइरस संक्रमण पुष्टि भएको छ । भेरी अस्पताल नेपालगञ्जमा भएको परीक्षणबाट ४६ जना पुरुष र १ जना महिला गरी ४७ जनामा कोरोनाको संक्रमण पुष्टि भएको हो ।

नेपालगञ्जस्थित भेरी प्रादेशिक अस्पतालको प्रयोगशालामा भएको परीक्षणमा उनीहरुमा कोरोना पुष्टि भएको पाइएको हो । जिल्लामा यसअघि नै ३४ जना संक्रमित देखिएकोमा यो सहित संक्रमितको संख्या ८१ पुगेको छ । आज थपिएका संक्रमितको २ दिनअघि (शनिबार) स्वाब लिइएको थियो ।

स्वास्थ्य तथा जनसंख्या मन्त्रालयका अनुसार कोरोनाबाट संक्रमित हुनेको संख्या ३ सय ५७ जना पुगेको छ । जसमा २ सय ५८ जना पुरुषहरु रहेका छन् भने ६३ जना महिला रहेका छन् ।