अखबार नेपाल ट्रेन्डिङ

काठमाडौं: बैदेशिक रोजगारीमा गएका नेपालीहरुलाई फर्काउन दवाव दिएपछि तत्काल अध्ययन गरी प्रतिवेदन पेश गर्न सरकारले उच्चस्तरीय समिति गठन गरेको छ । यो समितिले आपतकालीन उद्धार गर्नुपर्ने कामदारहरुको टुंगो लगाउने छ ।

बैदेशिक रोजगारीमा गएका नेपालीलाई स्वदेश फर्काउने र के कस्ता क्षेत्रमा तिनको सीपलाई प्रयोग गर्न सकिन्छ भन्ने बारेमा अध्ययन गर्न सरकारले राष्ट्रिय योजना आयोगका सदस्य डा. रामप्रसाद फुयालको संयोजकत्वमा बैशाख ५ गते समिति गठन गर्ने निर्णय गरेको हो । सरोकारवाला मन्त्रालयहरु क्रमशः अर्थ, पररास्ट्र, श्रम, गृहका सहसचिव सहित समितिका सदस्य छन् ।

पछिल्लो पटक कोरोना भाइरसको संक्रमण बढ्दै गएपछि बिदेशमा रहेका करिब ४५ लाख युवा को भबिष्य अन्योलमा परेपछि तिनको ब्यबस्थापनमा सहयोग पुगोस् भन्ने हेतु यो समिति गठन गरिएको हो । वैदेशिक रोजगार बिभागका अनुसार अहिले १ सय २६ मुलुकसँग नेपालको दुईपक्षीय र बहुपक्षीय सम्बन्ध छ । यस अन्तर्गत करिब ६५ लाख नेपाली बिदेशमा छन् ।