सनराइज बैंकद्वारा डाक्टर तथा नर्सका लागि सुरक्षात्मक उपकरण पीपीई वितरण
वि.सं.२०७६ चैत १६ आइतवार ०८:३७
1.2K
shares
काठमाडौं: सनराइज बैंकले वीर अस्पताल र शुक्रराज तथा सरुवा रोग अस्पतालका डाक्टर तथा नर्सका लागि आवश्यक व्यक्तिगत सुरक्षात्मक उपकरण पीपीई २५/२५ थान प्रदान गरेको छ ।
बैंकले कोरनाभाइरसको उपचारमा खटिने चिकित्सक र नर्सका लागि पीपीई वितरण गरेको हो । बैंकका प्रमुख कार्यकारी अधिकृत जनक शर्मा पौड्यालले वीर अस्पतालका निर्देशक डा. केदार शेन्चुरीलाई २५ थान पीपीई हस्तान्तरण गरे । साथै शुक्रराज तथा सरुवा रोग अस्पतालमा डा. सुशिल शर्मालाई पीपीई हस्तान्तरण गरिएको थियो ।
कार्यक्रममा प्रमुख कार्यकारी अधिकृत पौड्यालले मुलुकमा आइपरेको कठिन परिस्थितिमा समेत चिकित्सक र नर्सले निभाएको भूमिका सराहनीय रहेको बताउँदै सामाजिक उत्तरदायित्व वहन गर्दै प्रहरी अस्पतालमा खटिने स्वास्थ्यकर्मीका लागि सहयोग गरेको बताए ।
कार्यक्रमा बैंकले दिएको सहयोगले अस्पतालका स्वास्थ्यकर्मीलाई सुरक्षामा सहयोग पुग्ने बताए । सो अवसरमा बैंकका प्रमुख कार्यकारी अधिकृत श्री जनक शर्मा पौड्यालले यस्तो अवस्थामा सनराइज बैंकले सम्पुर्ण देशबासीलाई थोरै थोरै भएपनि मलम लगाउने उदेश्यले सातैं वटा प्रदेशमा व्यक्तिगत सुरक्षात्मक उपकरण पीपीई उपकरण वितरण गर्ने जानकारी दिए ।
वि.सं.२०७६ चैत १६ आइतवार ०८:३७



















