अखबार नेपाल ट्रेन्डिङ

मकवानपुरः हावाहुरीसँगै वर्षा र चट्याङले मान्छेको ज्यानै लिने गरेको छ । मकवानपुर र काभ्रेमा चट्याङले दुई जनाको ज्यान गएको छ ।

चट्याङ लागि काभ्रेमा १६ वर्षीय एक किशोरी र मकवानपुरमा एक वृद्धाको मृत्यु भएको हो । काभ्रेमा  महाभारत गाउँपालिका-७ स्थित केराबारीमा मंगलबार साँझ चट्याङ लाग्दा स्थानीय डिलबहादुर मोक्तानकी छोरी १६ वर्षीया कान्छीमाया मोक्तानको मृत्यु भएको हो भने मकवानपुरमा राक्सिराङ गाउँपालिका–८ का ६५ वर्षीय जीतबहादुर गोले रहेका छन् । काभ्रेमा चट्याङ लागेर मृतक किशोरीकी आमा सञ्चमाया मोक्तान र मामा बुद्ध घलान घाइते भएका छन् ।

उता मकवानपुरमा चट्याङ लागेर इन्द्रसरोवर गाउँपालिका-२ का ६२ वर्षीया ठूलीमाया रुम्बा घाइते भएकी छिन् । उनको ललितपुरको पाटन अस्पतालमा उपचार भइरहेको छ ।