अखबार नेपाल ट्रेन्डिङ

अहिले धर्मको बहस खुब चलिराखेको छ । हामीले हिन्दू-मुश्लिम, शिख, जैन, किराँत जुन धर्म माने पनि हामी एउटै मानव हौं भन्ने भावना जागृत गराउन जबसम्म धर्म गुरुहरु एक हुँदैनन्, तबसम्म धार्मिक युद्धको खतरा टर्दैन । त्यसकारणले पनि धर्म गुरुहरुका बीचमा एकता भएर हाम्रो बैदिक सनातन धर्मअन्तर्गत सबै धर्महरुले आफ्नो अस्तित्व सुरक्षित भएको महसुस गराउन सक्दा नै वैदिक सनातन हिन्दू राज्य नेपाललाई फाइदा पुग्ने तर्फ सबैको ध्यान जानु जरुरी छ ।

नेपाल जेठो राष्ट्र हुनुको नाताले पनि हाम्रो सनातन धर्मअन्तर्गत यहाँ सबै किसिमका धर्महरु सुरक्षित हुनुपर्छ । हामीले सबैलाई समेटौं र राष्ट्रिय एकताका निम्ति राजसंस्थाहरुको नेतृत्वमा वैदिक सनातन राष्ट्रको अस्तित्व जोगाऔं । यसका निम्ति गोरक्ष राष्ट्र नेपालमा सबैको अस्तित्व सुरक्षित रहन सक्छ । नेपालको हिन्दू हिमवत् खण्डबाट आएको हो । त्यसकारण यहाँ जे-जति धर्म मान्ने सम्प्रदायहरु छौं, सबै एकै हौं भन्ने भावनाका साथ आ-आफ्नो संस्कार, धर्म-संस्कृति, सभ्यता बचाउनतिर लागौं ।

वेदमा सबै धर्म अटाएका छन् । हिन्दूहरुको मात्रै वेद होइन । त्यही वेदमार्फत् अमेरिका र चीनले कत्रो प्रगति गरिसके । हाम्रो नेपालका राजनीतिक दलहरु पनि देश र जनताको भाग्य र भविष्य सुरक्षित राख्नका निम्ति वेदको अध्ययनमार्फत् एकत्रित हुनुपर्यो । जम्माजम्मी तीन करोड जनता छन्, सयभन्दा बढी राजनीतिक दलको के काम ? नेपालप्रति लालायित नहुने विश्वको कुन देश छ ?

प्रकृतिमय राजसंस्था सबै धर्मको अभिभावकका रुपमा रहनुपर्छ । कुनै एउटा दलविशेषले राजसंस्था र हिन्दू राष्ट्रको एजेण्डा बोकेर हिँड्दा अर्को पक्षलाई चित्त नबुझ्न सक्छ । त्यसकारण प्रकृतिमय राजसंस्थालाई सबै दल, सबै धर्म, सबै जातजातिले आफ्नो अभिभावकको रुपमा लिने वातावरण बनाउनु आजको आवश्यकत हो । नेपालको राजसंस्था भनेको जगत थाम्ने संस्था हो, सबैको साझा अभिभावकको रुपमा राजसंस्था रहन्छ । यस्तो साझा संस्थालाई कुनै दलविशेष र धर्मविशेषले आफ्नो स्वार्थपूर्तिका निम्ति भजाउन मिल्दै-मिल्दैन ।

वेदमा सबै धर्म अटाएका छन् । हिन्दूहरुको मात्रै वेद होइन । त्यही वेदमार्फत् अमेरिका र चीनले कत्रो प्रगति गरिसके । हाम्रो नेपालका राजनीतिक दलहरु पनि देश र जनताको भाग्य र भविष्य सुरक्षित राख्नका निम्ति वेदको अध्ययनमार्फत् एकत्रित हुनुपर्यो । जम्माजम्मी तीन करोड जनता छन्, सयभन्दा बढी राजनीतिक दलको के काम ? नेपालप्रति लालायित नहुने विश्वको कुन देश छ ? किनभने नेपाल सबैभन्दा जेठो देश हो । सबैको मूलजरो यहीँ छ । यस्तो पवित्र देशलाई हामीले धर्म, जात, भाषाको कुरा उठाएर युद्धमा फसाउनु हुँदैन । झन् यो मुलुकमा धर्मयुद्ध त हुन दिनै हुँदैन । यी सबै समस्याको समाधानका निम्ति राजसंस्थालाई अभिभावकका रुपमा स्वीकारेर गोरक्ष राष्ट्र नेपालका निम्ति अघि बढौं ।