अखबार नेपाल ट्रेन्डिङ

यतिबेला काठमाडौ उपत्यका लगायत देशभर चिसो ह्वात्तै बढेको छ । कोरोना भाइरसबाट संक्रमित हुने क्रम जारी रहँदा चिसो मौसम पनि सुरु भएको छ ।

अचेल नेपालमा दैनिक ८/१० जनाको संख्यामा कोरोना संक्रमितको मृत्यु पनि भइरहेको छ । कोरोना भाइरस संक्रमण र यसबाट हुने मृत्यु बढिरहेका बेला जाडो मौसममा कोरोना संक्रमितको दर बढ्ने र बिरामीलाई थप समस्या आउन सक्ने चिकित्सकहरूले बताईरहेका छन् ।

चिसो मौसम विषेशत असोज, कात्तिक, मंसिर, पुस, माघ र फागुन महिनामा ढिलो सूर्याेदय हुने र चाँडो सूर्यास्त हुने भएकाले ती महिनामा बढी चिसो हुने गर्छ । यस्तो अवस्थामा बालबालिका, वृद्धवृद्धा अनि सुत्केरी महिला, गर्भावस्थामा रहेका महिला सबैको स्वास्थ्यमा ध्यान दिनु जरुरी छ ।

मानिसलाई चिसोमा नुहाउनका लागि निकै समस्या हुन्छ । नुहाउनका लागि आजभोलि गिजरको प्रयोग गर्ने गर्दछन् जसको उचित प्रयोग गर्न नजान्दा मानिसले अकालमा ज्यान गुमाएको हामीले विभिन्न सञ्चारमाध्यमबाट सुन्दै आएका छौं ।

कमजोर रोग प्रतिरोधात्मक क्षमताका कारण चिसोसँग सम्बन्धित विभिन्न रोगले आक्रमण गर्छ । प्रतिरोधात्मक क्षमता बलियो भएमा चिसोजन्य रोगको संक्रमणबाट मात्र बचाउँदैन अन्य गम्भीर रोग निम्तिनबाट पनि बच्न सकिन्छ । राम्रो र स्वस्थ खानेकुरा खाएर प्रतिरोधात्मक क्षमता बृद्धि गर्न सकिन्छ । सन्तुलित खानाले मानिसलाई स्वस्थ र तन्दुरुस्त बनाउँछ ।

चिसो याममा पर्याप्त आराम गर्दा र बेला–बेला घाम ताप्दा राम्रो हुन्छ । चिसो मौसमका कारण मानिसलाई दम, रुघाखोकी, ज्वरो लगायतको समस्या उब्जने गर्छ । चिसो मौसममा विभिन्न रोगका जिवाणु हावामा लामो समयसम्म बाँच्न सक्ने हुँदा यसले शरीरमा विभिन्न रोग निम्त्याउने गर्छ । चिसोकै कारण मानिसहरु एक आपसमा नजिकिएर अथवा टाँसिएर बस्नाले पनि रुघाखोकी तथा ज्वरो सजिलै सर्छ ।

चिसो याममा मानिसको लापरवाहीले गर्दा धेरै समस्या निम्तने खतरा बढ्छ । चिसोको कारण झ्यालढोका सबै बन्द पारेर आगो ताप्ने चलन छ । तर, कतैबाट हावा नै नछिर्ने गरि बन्द गरेर आगो वा हिटर ताप्दा कोठामा कार्बनडाइअक्साइड वा कार्बनमोनोअक्साइडको मात्रा बढ्न जान्छ र उक्त ग्याँस धेरै समयसम्म शरीरमा प्रवेश गर्दा विभिन्न प्रकारको समस्या देखिन सक्छ र मानवीय दुर्घटना पनि हुन सक्छ ।

मानिसलाई चिसोमा नुहाउनका लागि निकै समस्या हुन्छ । नुहाउनका लागि आजभोलि गिजरको प्रयोग गर्ने गर्दछन् जसको उचित प्रयोग गर्न नजान्दा मानिसले अकालमा ज्यान गुमाएको हामीले विभिन्न सञ्चारमाध्यमबाट सुन्दै आएका छौं ।

बाथरुमको प्रयोग गर्दा धेरै कुराको ध्यान दिनु जरुरी छ । तातो पानीबाट निस्कने बाफ र शरीरको तातोपनबाट निस्किएको बाफ अनि गिजरले तताएको पानीको बाफ निकास हुने ठाउँ नहुँदा नुहाउन पसेको मानिसलाई चाहिने अक्सिजनको कमी हुन जान्छ र बाथरुमभित्र सास फेर्न गाह्रो भई मानिसको मृत्यु समेत हुन सक्छ ।

त्यसैले चिसो मौसममा हामीले आफ्नो दैनिकीमा विशेष ध्यान दिऔं । चिसोबाट आफु पनि बचौ र अरुलाई पनि बचाऔं ।