अखबार नेपाल ट्रेन्डिङ

काठमाडौं: संस्कृति पर्यटन तथा नगरिक उड्डयन मन्त्री रवीन्द्र अधिकारीको पार्थिव शरीर अन्तिम श्रद्धान्जलीका लागि पोखरामा राखिएको छ । मन्त्री अधिकारीको गृहजिल्ला कास्कीमा अन्तिम संस्कारका लागि शव काठमाडौंबाट आजै लगिएको हो ।

पोखरास्थित प्रदर्शनी केन्द्रमा शव अन्तिम श्रद्धान्जलीका लागि राखिएको छ । अन्तिम श्रद्धान्जलीका लागि उपप्रधान एवं रक्षामन्त्री इश्वर पोखरेल सहित नेकपा नेता कार्यकर्ताहरु अहिले पोखरामा पुगेका छन् ।

अन्य पाँच जनाको पशुपति आर्यघाटमा दाहसंस्कार शुरु

ताप्लेजुङमा भएको हेलिकोप्टर दुर्घटनामा ज्यान गुमाएका ५ जनाको पशुपति आर्यघाटमा दाहसंस्कार शुरु गरिएको छ । दुर्घटनामा ज्यान गुमाएका नागरिक उड्डयन प्राधिकरणका उप महानिर्देशक वीरेन्द्रप्रसाद श्रेष्ठ, निर्देशक ईन्जिनियर ध्रुव भोछिभोया, प्रधानमन्त्री तथा मन्त्रिपरिषद् कार्यलयका उपसचिव तथा प्रधानमन्त्रीका स्वकीय सचिव युवराज दाहाल, पाइलट प्रभाकर केसी र मन्त्री अधिकारीका पीएसओ अर्जुन घिमिरेको पशुपति आर्यघाटमा दाहसंस्कार गरिएको छ । त्यस्तै अर्का पर्यटन व्यवसायी आङछिरिङ शेर्पाको शव परिवारलाई बुझाइएको छ ।।