अखबार नेपाल ट्रेन्डिङ

काठमाडौं: लमजुङ बेसीशहर नगरपालिका–९ साम्दी गाउँ निवासी ६७ वर्षीय हरिबहादुर थापालाई बिहान घाँस काट्न खेतमा जाँदा पोथी चितुवाले एक्कासी आक्रमण गरेको थियो ।

चितुवाले थापालाई आक्रमण गर्दा उनका छोरा रणजंग थापाले देखेर वचाउन जादा बाबु छोरा दुवै जना चितुवासंग करिब १० मिनेट कुस्ति खेलेको थापाले बताउनु भयो ।

हरिबहादुरले दब्रे हातले चितुवाको आक्रमण छेक्दै दाईने हातमा भएको खुर्पाले चितुवालाई आक्रमण गरेको र खुर्पाको चोटले चितुवाको मृत्यु भई आक्रमण गर्न छोडेको बताउनु भयो ।

चितुवाको आक्रमणबाट वचेका हरिबहादुरको दाहिने हातमा र चोर औंलामा चोट लागेको छ भने शरिरका अन्य भागमा चितुवाको नंग्राले सामान्य कोरेको छिमेकी शिव थापाले बताए ।

थापाको प्राथमिक उपचारपछि रेविजको खोप जिल्लामा नभएका कारणले काठमाडौं रिफर गरिएको जिल्ला प्रहरी कार्यालयका प्रमुख प्रहरी नयाव उपरीक्षक गंगाबहादुर थापाले बताए ।