अखबार नेपाल ट्रेन्डिङ

रसुवा: रसुवागढी जलविद्युत् आयोजनाको सुरुङमार्ग निर्माण स्थलमा सुख्खा पहिरो जाँदा थुनिएका १७ जना कामदारको सकुशल उद्धार गरिएको छ । सुख्खा पहिरोका कारण रसुवागढी जलविद्युत् आयोजनाको सुरुङ मार्गभित्र १७ कामदार थुनिएका थिए ।

रसुवाको गोसाइकुण्ड -२ मा पर्ने आयोजना स्थलमा रहेको सुरुङमा बिहीबार साँझ एकाएक आएको सुख्खा पहिरो आएपछि एक सय मिटर सुरुङभित्र काम गरिरहेका नेपाली र चिनियाँ कामदार थुनिएका थिए । बिहिबार नै उद्दारको प्रयास गरेपनि माटो र ढुंगा झरेकाले बाटो अवरुद्ध तथा विद्युत् आपूर्ति पनि बन्द भएपछि मजदुरहरूलाई तत्काल बाहिर निकाल्न सकिएको थिएन ।

आज बिहान सात बजे पुन: उद्धार कार्यअघि बढाएर सबैको सकुसल उद्धार गरिएको प्रहरीले जनाएको छ । उद्दारका लागि नेपाल प्रहरीको सात, सेनाका १२ र सशस्त्र प्रहरीका २० गरी ३९ जनाको टिम खटिएका थिए ।