अखबार नेपाल ट्रेन्डिङ

रामेछाप: अस्पतालमा बेड खोज्दा खोज्दै रामेछापका सुनापति गाउँपालिका-२ दिमीपोखरीका एक बृद्धाको कोरोना संक्रमणका कारण मृत्यु भएको छ ।

जिल्ला स्वास्थ्य कार्यालय रामेछापका अनुसार सुनापति गाउँपालिका-२ दिमीपोखरीका ६३ बर्षका बृद्धाको कोरोनाका कारण आज विहान प्राथामिक स्वास्थ्य केन्द्र मन्थलीमा मृत्यु भएको जनाएको छ ।

कोरोना संक्रमण पुष्टि भएपछि काठमाण्डौंका विभिन्न अस्पतालमा भर्ना हुन बेड खोज्दा खोज्दै उनको मृत्यु भएको मृतकका पारिवारीक श्रोतले जानकारी दिएको छ ।

रामेछाप जिल्लामा हालसम्म आइसीयू र भेन्टिलेटरको सुविधा छैन ।

रामेछापमा नै कोरोना संक्रमण पुष्टि भएपछि उपचारका लागि काठमाण्डौं गएका बृद्धाको त्यहाँ कुनैपनि अस्पतालमा भर्ना हुन बेड नपाएपछि पुनः रामेछापको  मन्थली प्राथामिक स्वास्थ्य केन्द्रमा ल्याइ उपचार शुरु गरिएको थियो ।

अक्सिजन दिएर राखिएको २ दिन पछि फेरी उनलाई स्वास्थ्यमा समस्या आएपछि प्राथमिक स्वास्थ्य केन्द्र मन्थलीका चिकित्सकले आइसीयूमा राख्नका लागि काठमाण्डौं लैजान सिफारिस गरेको केहि घण्टामा नै बृद्धाको मृत्यु भएको हो  ।

कोरोना संक्रमणका कारण जिल्लमा नै मृत्यु भएको यो पहिलो घट्ना भएको जिल्ला स्वास्थ्य कार्यालय रामेछापका प्रमुख जितेन्द्र कर्णले बताए ।

बिहीबार मात्र खाँडादेवी गाउँपालिका-५ का एक युवाको कोरोना संक्रमणका कारण उपचारका क्रममा शिर मेमोरिय अस्पतालमा मृत्यु भएको थियो ।

प्रधानमन्त्री ओलीले आज शपथ लिदै, आज दिउँसो २ बजे राष्ट्रपति विद्यादेवी भण्डारीबाट सपथ लिने