अखबार नेपाल ट्रेन्डिङ

काठमाडौं:  बागमती प्रदेश राजधानी हेटौँडामा जोर बिजोर प्रणाली लागू हुने भएको छ । हेटौँडा उपमहानगरपालिकाभित्र चल्ने निजी तथा सार्वजनिक सवारी सबैमा जोर बिजोर प्रणाली लागू हुने भएको हो ।

बागमती प्रदेश हेटौँडा उपमहानगरपालिकाभित्र चल्ने कार, मोटरसाइकल, टेम्पो, म्याजिक, अटो, मयुरीलगायत सबै निजी सवारीमा आइतबारदेखि जोर बिजोर प्रणाली लागू हुने भएको हो ।

कोरोना सङ्क्रमणको रोकथाम तथा नियन्त्रणको न्यूनीकरणका लागि आइतबारबाट हेटौँडामा निजी तथा सार्वजनिक सवारीमा जोर बिजोर प्रणाली लागू गर्ने तयारी गरेको जिल्ला प्रशासन कार्यालय मकवानपुरले जनाएको छ ।

आइतबारदेखि मकवानपुरभरको पर्यटकीय क्षेत्र पार्क तथा वनभोजस्थल बन्द गर्ने साथै सार्वजनिक स्थलमा मास्क नलगाउनेलाई सङ्क्रामक रोग ऐन, २०२० बमोजिम कारबाही गरिने भएको छ ।

पछिल्ला दिनमा मकवानपुरमा कोरोना सङ्क्रमण बढेपछि जिल्ला प्रहरी कार्यालयले सङ्क्रमणको जोखिमलाई मध्यजनर गर्दै चोक–चोकबाट सर्वसाधारणलाई सचेत गराउने कार्यक्रम गर्दै आएको हो । कोभिड–१९ सम्बन्धी स्वास्थ्य मापदण्ड पालना भए/नभएको अनुगमन गर्न सात सदस्यीय समिति गठन गरिएको छ ।

यो पनि पढ्नुहवस् ;

कोरोना संक्रमण नियन्त्रणबाहिर जान लागेको भन्दै लकडाउन गर्न स्वास्थ्य मन्त्रालयको सिफारिस