गिरिजाप्रसाद कोइरालाको ११औं स्मृति दिवस आज
वि.सं.२०७७ चैत ७ शनिवार ०८:२८
2.6K
shares
काठमाडौं: नेपाली कांग्रेसका तत्कालीन सभापति एवं पूर्वप्रधानमन्त्री गिरिजाप्रसाद कोइरालाको ११औं स्मृति दिवस आज विभिन्न कार्यक्रमको आयोजना गरि मनाइँदैछ ।
स्मृति दिवसका अवसरमा नेपाली कांग्रेस, जीपी कोइराला फाउण्डेन लगायतका संस्थाहरूले विभिन्न कार्यक्रम गर्दैछन् ।
राणाशासनकै बेला विराटनगर जुटमिलमा मजदुर आन्दोलनको अगुवाइ गरेर राजनीतिमा होमिएको स्वर्गीय कोइराला पटक-पटक मुलुकको प्रधानमन्त्री बनेका थिए ।
२०६२/६३ को जनआन्दोलन मार्फत संसद पुनःस्थापना गराउन, बृहत शान्ति सम्झौता मार्फत् माओवादी सशस्त्र युद्धको अन्त्य गराउन र संविधानसभाको निर्वाचनमार्फत् संघीय लोकतान्त्रिक गणतन्त्र सुनिश्चित गर्न कोइरालाले अगुवाइ गरेका थिए ।
२०६३ जेठ ४ गतेको प्रतिनिधिसभा घोषणापछि कोइरालाले अन्तरिम राष्ट्रप्रमुखको भूमिका समेत निर्वाह गरेका थिए ।
२०५३ सालमा नेपाली कांग्रेसको सभापतिमा चुनिएका कोइराला तीन कार्यकालसम्म कांग्रेसको सभापति रहेका थिए ।
कोईरालाको निधन २०६६ साल चैत ७ गते मण्डिखटारमा भएको थियो ।
ओलीको आह्वानमा एमालेको केन्द्रीय कमिटी र संसदीय दलको बैठक आज बस्दै, नेपाल समुहद्वारा बहिष्कार
वि.सं.२०७७ चैत ७ शनिवार ०८:२८




















