गोरखाबाट हिँडेको एकीकरण पदयात्राको टोली काठमाडौं आईपुग्यो {फोटो फिचर}
वि.सं.२०७७ पुस २६ आइतवार १६:५२
काठमाडौं: पुस २१ गते गोरखा दरबारबाट शुरु भएको गोरखा–काठमाडौं एकीकरण मार्ग पदयात्राको टोली आज काठमाडौं आइपुगेको छ ।
आज विहान नुवाकोटको ककनीबाट हिँडेको टोली पाँचमाने, तीनपिप्ले हुँदै नागर्जुनस्थित श्री शम्शेर दल गणमा आईपुगेको थियो ।
नेपालको ईतिहासमा विगतका वर्षमा नेपाली सेनाले पृथ्वीनारायण शाहले एकीकरणको दौरानमा प्रयोग भएका पदमार्ग र नेपाली सेनाको पहिलो पाँच वटा पल्टनको झण्डा र टर्च सहित बाटैबाटो प्रयोग गरी काठमाडौसम्म पुर्याईने प्रमुख सेनानी उमेश श्रेष्ठले बताए ।
गोर्खाबाट गुर्जुको पल्टन र त्यतिबेलाका छागाकालि लुगा लगाएका १० जना पञ्चे बाजा सहितका जम्मा ६० देखि ७० जनाको टोलीलाई नागर्जुनस्थित श्री शम्शेर दल र मुड्खु भञ्ज्याङ स्थानीयले पञ्चेबाजा एवं झाँकीसहित स्वागत गरेको थियो ।
त्यसपछि नेपाली सेनाको टोली पृथ्वीनारायण विद्यालय बालाजू बाइपास, सोह्रखुट्टे, नरदेवी हुँदै बेलुकी साँझ ५ बजे हनुमानढोका दरबार पुग्ने छ ।
हनुमानढोका दरबारमा पदयात्रा टोलीलाई पालिकाका प्रतिनिधि, गुठी, क्लबहरु, सर्वसाधारण लगायतले स्वागत गर्नेछन् ।
श्री शम्शेरदल गणले हनुमानढोकामा तैनाथ श्री शार्दुलजंङ्ग गुल्मलाई सैनिक ड्रिलको प्रदर्शनसहित राष्ट्रिय झण्डा, टर्च तथा पृथ्वीनारायण शाहले बनाएका सेनाका ५ वटा कम्पनीका झण्डा हस्तान्तरण गर्ने कार्यक्रम रहेको प्रमुख सेनानी श्रेष्ठले बताए ।
वि.सं.२०७७ पुस २६ आइतवार १६:५२