अखबार नेपाल ट्रेन्डिङ

बारा: बारामा एकै परिवारका पाँच जनाको निसासिएर मृत्यु भएको छ । बाराको फेटा गाऊँपालिका ४ बतरास्थित घरेलु मदिरा उत्पादनका लागि बनाइएको सेफ्टी टंकीभित्र एकै परिवारका ४ जना र एक आफन्त सहित पाँच जनाको निसासिएर मृत्यु भएको बाराका प्रहरीले जानकारी दिएको छ ।

मृत्यु हुनेमा जोगा मुखिया, लालमति देवी, समनी कुमारी, महेन्द्र मुखिया र भारत विहारका डाबा मुखिया रहेका छन् । दुईतल्ले घरमा एकतल्ले अण्डर ग्राउण्ड सेफ्टी टंकीका लागी छुट्याइएको ठाउँमा लुकाई छिपाई घरेलु मदिराका लागी चाहिने कच्चा पदार्थ भण्डारण तथा उत्पादन गर्ने उदेश्यले राखिएको थियो । सोही तयारी कच्चा पदार्थ निकाल्न जादाँ अक्सीजन आउने जाने पर्याप्त ठाऊँ नभएर पालै पालो एक एक गर्दै उनिहरुको मृत्यु भएको प्रारम्भिक अनुसन्धानले देखाएको प्रहरीले जनाएको छ ।