अखबार नेपाल ट्रेन्डिङ

काठमाडौं: बंगालको खाडीबाट आएको जल वाष्प युक्त हावा र स्थानीय वायुको प्रभावले आज देशको पूर्वी मध्य र पश्चीमी क्षेत्रका केही स्थानमा भारी वर्षाको सम्भावना रहेकोले सर्तकता आग्रह गरिएको छ ।

मनसुन न्यून चापिय रेखा नेपालको दक्षिणतिर पुगेको भएपनि बंगालको खाडीबाट प्रवेश गरेको जल वाष्प युक्त हावा र स्थानीय वायुको प्रभावको कारण आज देशभर मौसममा सामान्य बदली हुनेछ भने पुर्वी मध्य र पश्चिमी क्षेत्रका एक दुई स्थानमा भारि वर्षाको सम्भावना रहेको मौसम पूर्वानुमान महाशाखाले जनाएको छ ।

त्यस्तै मंगलबार र बुधवार पनि देशभर मौसम आंशिक बदली हुनेछ भने देशका पुर्वी र मध्य र पश्चिमका केही स्थानहरुमा भारि वर्षा र पुर्वी र मध्यका एक दुई स्थानमा अति भारी वर्षाको सम्भावना रहेको जल तथा मौसम पूर्वानुमान महाशाखाले जनाएको छ। त्यस्तै बाढी पूर्वानुमान महाशाखाले प्रदेश नं १, ३, ५ र गण्डकी प्रदेशका मध्यपहाडी तथा चुरेको भू भागबाट बहने केही साना नदीमा आकस्मिक बहावको सम्भावना रहेकाले तटीय क्षेत्रमा सतर्कता अपनाउन आग्रह गरेको छ ।

त्यसैगरी मौसम पूर्वानुमान महाशाखाले आगामी २४ घण्टाको मौसम पूर्वानुमान जारी गर्दै देशका केही स्थानमा भारी वर्षाको सम्भावना रहेकाले पहाडी भू भागमा पहिरो जान सक्ने र पहाड तथा चुरेबाट बहने खोलामा जल सहत बढ्नसक्ने भएकाले सतर्कता अपनाउन विभागले आग्रह गरेको छ ।