अखबार नेपाल ट्रेन्डिङ

कोरोना भाइरस अर्थात् कोभिड–१९ को महामारीबाट विश्व आतंकित भइरहेको अवस्थामा नेपाल पनि यस भाइरसबाट अछुतो रहनसकेन । यस भारसको संक्रमण नेपालमा नफैलियोस र नागरीक जोगिउन भन्ने उदेश्यले सरकारले गरेको प्रयास पुर्ण सन्तुष्टिनभएपनि आमनागरीकले नकारात्मक रुपमा पनि लिएका छैनन् ।

संक्रमण रोक्न सरकारले जारी राखेको प्रयास स्वरुप हिमालपारीको जिल्ला भनेर चिनिएको मनाङका स्वास्थ्वकर्मी पनि दिनरात नभनि सेवामा खटिरहेका छन् । मनाङ एक पर्यटकीय स्थानभएकाले पनि उक्त स्थानमा जाने व्यक्तिहरुको विशेष पहिचान गरी परिक्षणको काम भैरहेको स्वास्थ्य कार्यालय मनाङका ल्याबटेक्निसियन निरीक्षक सुरज अधिकारीले जानकारी दिए ।

जिल्ला स्थित मनाङ डिस्याङ गाउंपालिका,चामे र धारापानी  क्षेत्रकास्थानियको स्वस्थ्व परिक्षण साथै बिदेशबाट आएका तिन जनाको स्वाव थ्रोट संकलन गरी थप परिक्षणका लागि स्थानिय प्रशासनमार्फत प्रदेश जनस्वास्थ्व प्रयोगशाला पोखरा पठाइने निरीक्षक अधिकारीले बताए

सरकारी तथ्याङ्कअनुसार हालसम्म नेपालमा नौ जना व्यक्तिमा मात्र कोरोनाभाइरस सङ्क्रमण देखिएको आधिकारिक तथ्याङ्क छ।