अखबार नेपाल ट्रेन्डिङ

कैलाली: २०७२ साल भदौ ७ गते कैलालीको टीकापुरमा प्रहरी वरिष्ठ उपरिक्षक लक्ष्मण न्यौपाने सहित ८ जना सुरक्षाकर्मी र एक नाबालकको हत्या भएको घटनाको बुधबार जिल्ला अदालतले फैसला गरेको छ । न्यायाधीस परसुराम भट्टराईको ईजलासले सांसद रेशम चौधरी सहितका ११ जनालाई घटनामा दोषी रहेको भन्दै जन्मकैदको फैसला सुनाएको छ ।

सो घटनामा नेपाल प्रहरीका वरिष्ठ उपरीक्षक लक्ष्मण न्यौपाने, प्रहरी निरीक्षक द्वय बलराम बिष्ट र केशब बोहोरा, प्रहरी हवल्दार द्वय श्यामबहादुर खड्का,जनक नेगी र प्रहरी जवान लोकेन्द्रबहादुर चन्दको हत्या गरिएको थियो । सशस्त्र प्रहरीका वरिष्ठ हवल्दार ललित साउँद र सशस्त्र हवल्दार राम विहारी थारूलाई पनि आन्दोलनकारीले नियन्त्रणमा लिइ धारिलो हतियार प्रहार गरी हत्या गरेका थिए ।

आक्रमणकारीले सशस्त्र प्रहरीका सहायक हवल्दार नेत्रबहादुर साउँदका टीकापुर नगरपालिका वडा नं. ९ स्थित घरमै खेलिरहेका २ वर्षीय छोरा टेकेन्द्र साउँदको पेस्तोल प्रहार गरी हत्या गरिएको थियो । तर अहिले रिहा भएकाहरुले भने खुसी ब्यक्त गरेका छन । प्रतिबादीका तर्फबाट मुद्धा लडिरहेका अधिवक्ताहरु पनि अदालतले फैसला गरेपछि जन्मकैद सुनाइएकालाई पनि कानुनी बाटो खुलेको छ ।

थारु नेताहरुले भने जिल्ला अदालतको फैसला न्यायसंगत नभएको दावी गरेका छन । घटना पछि प्रहरीले २ जना नाबालक श्रवण चौधरी र करन चौधरी सहित २७ जना लाइ पक्राउ गरेको थियो । सरकार वादी रहेको मुद्धामा पक्राउ परेका सबै विरुद्ध कर्तब्य ज्यान,ज्यान मार्ने उद्योग र डाँकाचोरी गरी तीन थरिका मुद्धा दर्ता गरिएका थिए । ५८ जनाको नाममा मुद्दा दर्ता गरिए पनि ३१ जना भने फरार छन ।।