अखबार नेपाल ट्रेन्डिङ

काठमाडौं: नेपाल भ्रमणमा रहेका फ्रान्सको लामोत-गोवाका मेयर आल्याँ स्कुदेलारोले सुर्योदय स्कुल भ्रमण गरेका छन् । लक्ष्य बहादुर केसी र भवानी कुँवर फाउण्डर रहेको सुर्योदय स्कुल भ्रमणका क्रममा स्कुदेलारोलाई अर्जुन गिरीको संयोजकत्वमा स्कुल भ्रमण गराईएको थियो ।

स्कुदेलारोलाई प्राथमिक तहका ईञ्चार्ज वविता बज्रचार्यले अध्ययनरत विद्यार्थीहरुको कक्षासम्म पुर्याएर विद्यार्थी र शिक्षकबीच कुराकानी गराएका थिए । कुराकानीको क्रममा स्कुदेलारोले विद्यार्थीहरुलाई केहि प्रश्न गर्दै विद्यार्थीबाट केहि कुराको जानकारी लिएका थिए । स्कुदेलारोलाई अर्जुन गरी, भवानी कुँवर, स्कुल ईन्चार्ज दिलिप पौडेल, ईन्चार्ज ममताध्वज भण्डारी, परीक्षा प्रमुख उत्तम प्रसाद बुढा र लेखा प्रमुख रसिला रञ्जितकारले फुलगुच्छा सहित न्यानो स्वागत गरेका थिए ।