अखबार नेपाल ट्रेन्डिङ

काठमाडौं: लोकतन्त्रवादी आदिवासी जनजाति महासंघको ऐतिहासिक प्रथम राष्ट्रिय अधिवेशनबाट सह-महामन्त्रीमा निर्वाचित दुर्गा सुनुवारलाई लोकतन्त्रवादी सुनुवार संघ परिवारले हार्दिक बधाई तथा शुभ-कामना व्यक्त गरेको छ ।

सुनुवारलाई उनकै निवास ललितपुरको ईमाडोलमा पुगेर नेपाल लोकतन्त्रवादी सुनुवार संघ विधान समितिका संयोजक एवं अध्यक्ष तोरण सुनुवारले बधाई तथा शुभ-कामना सहित खादा ओढाएर शुभ-कामना व्यक्त गरेका थिए । सह-महामन्त्री सुनुवारले बधाई तथा शुभ-कामना लिँदै प्रथम राष्ट्रिय अधिवेशनबाट आफु निर्वाचित भएकोमा सबैलाई धन्यवाद दिँदै आगामी दिनमा जस्तोसुकै चुनौति आई परेको खण्डमा डटेर अगाडि बढ्ने प्रतिबद्धता व्यक्त गरे ।

सह-महामन्त्री सुनुवारलाई विधान समितिका महासचिव रमेश सुनुवार, प्रवीण सुनुवार, उत्तम कातिच सुनुवार, शरण सुनुवार, समीर सुनुवार, सूर्यप्रकाश सुनुवार, सागर सुनुवार लगायतको टोलिले पूर्ण सफल कार्यकालको शुभ-कामना दिएका थिए ।