अखबार नेपाल ट्रेन्डिङ

काठमाडौं: राष्ट्रिय आवास कम्पनीको महा प्रवन्धक नियुक्तीमा चलखेल भएको आशंका गरिएको छ । प्रकृति प्रकोप र अन्य कारणले आवास विहिन भएका परिवारहरुलाई सरकारको निर्देशन बमोजिम जग्गा वा आर्थिक स्रोतको व्यवस्थापन गर्ने लगायतका काम गर्ने राष्ट्रिय आवास कम्पनी लिमिटेडको प्रवन्धपत्रको दफा ४ को (क) देखि (ड) सम्ममा उल्लेख छ ।

यस कम्पनीको महा प्रवन्धक नियुक्ती ४ वर्षको लागि कम्पनीको नियमावली परिच्छेद ४ को दफा ३६ मा भने बमोजिम हुने उल्लेख भएता पनि मिति २०८०/०४/२३ गते सूचना प्रकाशित नियमावली भन्दा बाहिर गएर सूचना प्रकाशित भएको देखिन्छ ।

महा प्रवन्धकको नियुक्तिको बारेमा परिच्छेद ४ को दाफ ३६ (१) मा स्पष्ट रुपमा लेखिएको छ । महा प्रवन्धक नियुक्त नेपाल सरकारले गर्नेछ । दफा ३६(३)(क) अनुसार महा प्रवन्धकको नियुक्ति गर्दा कम्तीमा स्नातक तह उत्तिर्ण गरि सम्बन्धित क्षेत्रमा कम्तीमा १० वर्षको अनुभव हाँसिल गरेको हुनुपर्ने भनिएता पनि सूचना प्रकाशित गर्दा त्यसो नभएको जानकारी प्राप्त भएको छ ।

हाल कम्पनीको महा प्रवन्धक नियुक्तीका लागि २१ जना प्रतिस्पर्धामा छन् । केहि प्रतिस्पर्धीहरुको सर्टिफिकेट नक्कली हुनसक्ने आशंका समेत प्रतिस्पर्धीहरुले गरेका छन । उचित छानविन भएर मात्र महा प्रवन्धकको नियुक्ती गर्न सम्बन्धीत निकायको ध्यानकर्षण गराएको छ ।