अखबार नेपाल ट्रेन्डिङ

काठमाडौं: रुकुम पश्चिमको बाँफिकोट गाउँपालिका-८, दुलीमा जिप दुर्घटना हुँदा ४ जनाको मृत्यु भएको छ भने दुर्घटनामा परी १० जना घाइते भएका छन् ।

बाँफिकोट-८ वडा अध्यक्ष धनबहादुर खत्रीका अनुसार सानीभेरी गाउँपालिका-५ का कर्णे बाठा र देउचन खत्री, बाँफीकोट गाउँपालिका-८ की रेखा खत्री र उनको सानो छोराको दुर्घटनामा मृत्यु भएको छ ।

सुत्केरी महिला र बच्चाको पहिचान सकेको छैन । जिपमा जम्मा १४ यात्रु सवार थिए । घाइतेमध्ये ४ जनाको अवस्था गम्भीर रहेको वडाध्यक्ष खत्रीले बताए । गम्भीर घाइतेहरूलाई हेलिकप्टरबाट उपचारका लागि अन्यत्र लैजाने तयारी रहेको उनको भनाइ छ ।

सानीभेरी गाउँपालिका-३ घ्युढुंगाबाट मुसीकोटतर्फ आउँदै गरेको जु१ज १७४७ नम्बरको जिप भई दुर्घटनामा परेको जिल्ला प्रहरी कार्यालयका प्रमुख नमराज भट्टराई बताए । घटनास्थलमा उद्धारको काम भइरहेकोले यसबारे विस्तृत विवरण आउन बाँकी रहेको उनले बताए ।