‘आदर्श पत्रकारिता पुरस्कार’ किशोर नेपाललाई प्रदान गरिँदै
वि.सं.२०७९ चैत २५ शनिवार ०८:०१
काठमाडौं: नेपाल पत्रकार महासंघ काठमाडौं शाखाको २३औं साधारणसभा आज हुँदैछ । सूचना तथा सञ्चार प्रविधिमन्त्री रेखा शर्माको प्रमुख आतिथ्यमा साधारणसभा हुन लागेको हो ।
शाखाले १ लाख १ हजार १११ रुपियाँ राशीको ‘आदर्श पत्रकारिता पुरस्कार’ वरिष्ठ पत्रकार किशोर नेपाललाई प्रदान गर्ने निर्णय गरेको छ । सो पुरस्कार सूचना तथा सञ्चार प्रविधिमन्त्री रेखा शर्माको हातबाट प्रदान गरिनेछ ।
बिहीबार बसेको शाखाको कार्यसमिति बैठकले चैत २५ गते शाखाको २३औं साधारणसभामा शाखाका संस्थापक अध्यक्ष समेत रहेका वरिषठ पत्रकार नेपाललाई पुरस्कार प्रदान गर्ने निर्णय गरेको हो ।
नेपाल पत्रकार महासंघ काठमाडौं शाखाले काठमाडौंको शंखरापुर नगरपालिकामा गत ३ र ४ चैतमा बसेको बैठकले ‘आदर्श पत्रकारिता पुरस्कार’ पुरस्कार स्थापना गर्ने निर्णय गरेको थियो ।
वि.सं.२०७९ चैत २५ शनिवार ०८:०१