अखबार नेपाल ट्रेन्डिङ

काठमाडौं: सुनुवार सेवा समाज संघीय समितिको १०औं राष्ट्रिय अधिवेशनबाट अमृत बहादुर सुनुवारको नेतृत्वमा नयाँ कार्यसमिति चयन भएको छ ।

यहि फागुन २७-२८ गते भएको राष्ट्रिय अधिवेशनबाट उपाध्यक्षमा एसा सुनुवार (सुनसरी), शोभा सुनुवार (रामेछाप), चम्पक सुनुवार (ओखलढुंगा), केदारराज सुनुवार (दोलखा), र विदेश विभाग उपाध्यक्षमा शिव सुनुवार (रामेछाप) निर्वाचित भएका छन् भने महासचिवमा उत्तम कुमार सुनुवार (उकुसु) निर्वाचित भएका छन् ।

त्यसैगरी सचिवमा रमेश कुमार सुनुवार (रामेछाप) र महिला सचिबमा देबु सुनुवार (रामेछाप) निर्वाचित भएका छन् भने कोषाध्यक्षमा ज्योति सुनुवार र सह-कोषाध्यक्षमा लुक माया सुनुवार निर्वाचित भएका छन् ।

सदस्यहरुमा क्रमशः पेसल सुनुवार (सुनसरी), राम कुमार सुनुवार (सिन्धुली), मदन सुनुवार (ललितपुर), राजेन्द्र सुनुवार (झापा), सावित्री सुनुवार (भक्तपुर), हरिकृष्ण सुनुवार (पाँचथर), लिला बहादुर सुनुवार (ईलाम) निर्वाचित भएका छन् ।

सुनुवार सेवा समाज संघीय समितिको १०औं राष्ट्रिय अधिवेशनको उदघाटन स‌ंस्कृत, पर्यटन तथा नागरिक उड्ययान मन्त्री सुदन किरातीको प्रमुख आतिथ्यमा भएको थियो भने उदघाटन सत्रमा विभिन्न जातिय संघ संस्था लगायत स्थानीय तहको जनप्रतिनिधिहरुको सहभागीता रहेको थियो ।