नेकपा एमालेले आज घोषणापत्र सार्वजनिक गर्दै
वि.सं.२०७९ कात्तिक १५ मंगलवार ०९:२७
काठमाडौं: नेकपा एमालेले आज घोषणापत्र सार्वजनिक गर्ने भएको छ । पार्टीको केन्द्रीय सदस्य एवं प्रचार र तथा प्रकाशन विभागका उपप्रमुख विष्णु रिजालले आज दिउँसो घोषणापत्र सार्वजनिक गर्न लागिएको जानकारी दिए ।
उनका अनुसार एमालेले घोषणापत्रको सार्वजनिकीकरण केही नयाँ ढङ्गले गर्ने तयारी रहेको छ । उक्त घोषणापत्रमा अध्यक्ष केपी शर्मा ओलीले ‘लाइभ डिबेट’ गर्ने कार्यक्रम राखिएको छ ।
एमालेले ‘समृद्ध नेपाल सुखी नेपाली’को संकल्पलाई आत्मसात् गर्दै देशको विकास र समृद्धि नै मूल विषय भएर घोषणापत्र आउने जनाएको छ ।
एमालेको चुनावी घोषणापत्र निर्माणका लागि पार्टी अध्यक्ष केपी शर्मा ओलीको संयोजकत्वमा मस्यौदा समिति गठन गरिएको थियो । उक्त समितिले आएका सुझावलाई समेटेर अन्तिम रूप दिएको हो ।
एमालेविरुद्ध मोर्चाबन्दी गरेका सत्ता गठबन्धनमा आबद्ध दल नेपाली कांग्रेस, नेकपा (माओवादी केन्द्र) र नेकपा (एकीकृत समाजवादी)ले छुट्टाछुट्टै घोषणा पत्र सार्वजनिक गरेका छन् ।
वि.सं.२०७९ कात्तिक १५ मंगलवार ०९:२७