अखबार नेपाल ट्रेन्डिङ

काठमाडौं: नेकपा माओवादी विप्लव समूहको नेपाल बन्दले गर्दा अहिले आवतजावतमा समस्या  भईरहेको छ ।

देशभरि बन्दका कारण जनजीवन अस्तव्यस्त भईरहेको छ । अहिले काभ्रेको बनेपास्थित चारदोबाटोमा नेपाल प्रहरी र बन्दकर्ताबीच झडप समेत भएको छ ।

विप्लव नेकपासहित चार कम्युनिस्ट पार्टीले आज नेपाल  गरेका छन् ।

बन्द गराउन सडकमा निस्किएका बन्दकर्ता र नेपाल प्रहरीबीच घम्साघम्सी भएपछि केहीबेर बनेपा तनावग्रस्त बनेको छ ।

केही बन्दकर्ता पक्राउ समेत परेका छन् । मंगलबार बिहानैदेखि उपत्यका लगायत देशका विभिन्न ठाउँमा बन्दको सामान्य प्रभाव देखिन थालेका छन् ।

नेकपा माओवादीका अध्यक्ष विप्लव, नेपाल कम्युनिस्ट पार्टीका अध्यक्ष ऋषि कट्टेल, वैज्ञानिक समाजवादी कम्युनिस्ट पार्टी नेपालका आहुति र नेकपा माओवादी समाजवादीका महासचिव कणर्जितले संयुक्त विज्ञप्ति निकालेर नेपाल बन्दको आह्वान गरेका हुन् ।