अखबार नेपाल ट्रेन्डिङ

रामेछाप: रामेछाप जिल्ला समन्वय समिति रामेछापको निर्वाचन आगामी जेष्ठ २९ गते हुने भएको छ ।

मुख्य निर्वाचन अधिकृत दिवाकर भट्टले दिएको जानकारी अनुसार जिल्ला समन्वय समितिको निर्वाचनका लागि जेष्ठ २७ गते मनोनयन पत्र दाखिला गरेर मतदान भने जेष्ठ २९ गते हुन लागेको हो ।

जिल्लाका ८ वटै स्थानीय तहको कार्यपालिका निर्वाचन सम्पन्न भएसंगै मुख्य निर्वाचन अधिकृतको कार्यालयले जिल्ला समन्वय समितिको निर्वाचनका लागि मिति सार्वजनिक गरेको छ  ।

जिल्ला समन्वय समितिको निर्वाचनको मिति सार्वजनिक भएसंगै रामेछाप जिल्लाका राजनैतिक दलहरुले निर्वाचन केन्द्रित छलफललाई तिव्रता दिएका छन् ।

रामेछापको जिल्ला समन्वय समितिका लागि नेपाली काँग्रेस, नेकपा एमाले र नेकपा माओवादी केन्द्र मध्ये कुनै २ वटा दलसंगको गठबन्धन आवश्यक छ ।

अहिले जिल्ला समन्वय समितिका लागि नेपाली काँग्रेस र नेकपा माओवादी केन्द्रका विचमा गठबन्धको बलियो संभावना रहेको नेपाली काँग्रेस रामेछापले जनाएको छ ।